Unë i nënshkruari,
Mons. Arjan Dodaj, Arqipeshkëv i Dioqezës Tiranë-Durrës, me këtë letër timen dëshiroj që të mbështes iniciativën e lindjes së një Qendre Baritore në qytetin e Tiranës, në zonën periferike në Astir-Kombinat. Është dëshira ime që t’i jap një hov të ri misionar Dioqezës sonë. Kemi nevojë që të hapim një Qendër Baritore në këtë zonë periferike të Tiranës, në zhvillim të plotë, pa një presenzë katolike.
Kjo iniciativë lind me ndihmën e Ecjes Neokatekumenale dhe me mbështetjen e fondacionit të tyre “E Lumja Maria Tuci”, që nga ana e tij, është i angazhuar të mbështesë ekonomikisht ungjillëzimin, mbi të gjitha Seminarin Redemptoris Mater të Lezhës.
Dioqeza jonë nuk ka mundësi të mbështesë ekonomikisht realizimin e kësaj Qendre Baritore dhe ka nevojë për ndihmën e enteve të jashtëm. Me këtë letër ndej që të bekoj dhe të miratoj plotësisht këtë projekt dhe autorizoj kërkimin e fondeve për të përfunduar këtë vepër.
Me shpresë që Hyji do të plotësojë këtë vepër, e vendos nën mbrojtjen e Virgjërës Mari Mbretëreshë e Paqes dhe e Ungjillëzimit të Ri dhe nën mbrojtjen e Lumëve Martirë Shqiptarë.

Shih letrën e ipeshkvit

Struktura ndodhet në territorin e Kombinatit brenda një konteksti më të gjerë të Astirit në qendër të një rikualifikimi urbanistik tashmë të nisur. Akse të reja rrugore dhe infrastrukturore do të lejojnë në harkun e 5/6 viteve ndërtime banime dhe tregtare.
Objekti është i shpërndarë në dy kate nga 400 m2 secili në një truall prej rreth 1000 m2, totalisht i çimentuar me pjerrësitë e nevojshme për kullimin e ujërave të shiut.

Prona është e kufizuar nga një mur rrethues 3 metra i lartë dhe i ndërprerë nga tre porta elektrike me dimensione të mëdha si dhe një derë për këmbësorë.

Punimet moderne të ndërtimit janë në përputhje me të gjitha standardet e ndërtimit. Sistemet elektrike dhe hidraulike janë bërë sipas standardeve më të larta duke marrë parasysh standardet industriale dhe janë të dizajnuara për një sistem fotovoltaik të pozicionuar në çatinë e strukturës dhe një sistem parandalimi nga zjarri i pajisur me detektorë për fikjen e zjarrit. Muret janë të izoluara me termoizolim dhe dritaret janë me xham të dyfishtë termik. Çatia është një çati me dyshek me ulluqe për të mbledhur ujin e shiut.

Lartësia e dobishme neto e katit përdhe është 5.30 m dhe e katit të parë është 2.90 m në përputhje të plotë me rregulloret.

Kati përdhe, me siperfaqe totale 400 m2, ndahet nga një zyrë 30 m2, një shkallë që përfshin instalimin e një ashensori civil dhe një ashensori mallrash si dhe dy tualete gati për përdorim.

Pjesa e mbetur e sipërfaqes është "hapësirë ​​e hapur (open space)". Kati i parë përmban të njëjtën ndarje hapësirash si kati më poshtë.

Në përgjithësi struktura është në gjendje të shkëlqyer me punime të përfunduara kohët e fundit. Hapësirat e mëdha dhe liria për të bërë ndryshime të brendshme lejojnë strukturën të presë funksione të shumta në shërbim të popullsinë së lagjes.

Ark. Paolo Cavaniglia
Ark. Nazzareno Concetti